Angliyalik ta’lim maslahatchisi Roy Andersenning «O’qituvchi, ota-ona, farzand», kitobida maktab ta’limiga oid qator muammolar va ularning yechimiga doir amaliy tavsiyalar berilgan. Muallif ko’p yillar davomida maktab ta’limi mohiyatini chuqur o’rgangan va izlanishlar olib borgan mutaxassis hisoblanadi.Muallif ushbu kitobda «Aslida maktab qanday dargoh?», «O’quvchilar qay maqsadda maktabga jalb qilinadi?», «Taʼlimdan ko’zlangan maqsadlarga erishilmasligi sabablari nimalardan iborat?», «O’quvchilar qanday qilib fanlarni yaxshiroq o’zlashtiradilar?» kabi bir qator savollarga javob izlaydi. Ushbu so’roqlar esa har bir millat, xususan, o’zbek ota-onasi, o’qituvchisi uchun dolzarbdir.
