Surxondaryo viloyati axborot-kutubxona markazida “Yilning eng yaxshi axborot-kutubxona mutaxassisi” ko‘rik tanlovining 2 bosqichi bo‘lib o‘tdi
Joriy yilning 2-oktyabr kuni Surxondaryo viloyati axborot-kutubxona markazida an’anaviy tarzda har yili kutubxonachi mutaxassislar o‘rtasida o‘tkazilayotgan “Yilning eng yaxshi axborot-kutubxona mutaxassisi” ko‘rik tanlovining 2 bosqichi bo‘lib o‘tdi.
Ko‘rik tanlov 4 ta shart bo‘yicha hakamlar hay’ati tomonidan baholab borildi. 1- shart. Kitoblarni interaktiv usullarda targ‘ib qilish. 2-shart. Kutubxonada amalga oshirgan loyihasi taqdimoti. 3-shart. Erkin mavzu. 4- shart. Test sinovi.
Ushbu shartlar bo‘yicha 14 nafar axborot-kutubxona mutaxassislari ishtirok etishdi.
“Yilning eng yaxshi axborot-kutubxona mutaxassisi” ko‘rik tanlovining 2- bosqichi yakuni buyicha 1-o‘rin Angor tumani mutaxassisi Rahmonova Xilola, 2 – o‘rin Sherobod tumani mutaxassisi Mamanazarova Santalat, 3- o‘rin Muzrabot tumani mutaxassisi Aminova Ozoda deb topildi.
1-o‘rin g‘olibasi Angor tuman axborot – kutubxona markazi mutaxassisi Rahmonova Xilola Respublika bosqichida ishtirok etish uchun yo‘llanmani qo‘lga kiritdi.
